LBO
bertsolaritza
Oporrak
Luis Arrieta opor-usainean dabil. Hurbil ikusten ditu. Zein asmo ezkutu ote dauka?
Oporrak hilen bueltan
hor dira gure zai.
Ta itxaronaraztea
zinez ez nuke nahi.
Tripa gora egoteko
hartu nahi det nik jai,
tarteka altxa arren,
jateko, hori bai.
Baina kontatakoa,
ez esan nire amai!!!
Doinua: Batetikan korrozka
Egilea: Luis Arrieta
Zaborrak eta hondakinak
Zaborrak atez ate jasotzeko sistema martxan da herri batzuetan eta gehiagotara zabaltzekoa da Gipuzkoan. Hori hartu du gaitzat Joseba barandiaranek.
Zaborra biltzen hasiak dira
hainbat herri atez ate
gauzak txukun egitea ez da
sekula izango kalte.
"Hondakin" dugu gauza jakin bat
"zabor" hitzetik aparte,
zaborra definitzen baitugu
berez "hondakin nahaste":
bizimodua zaborgabetzen
lehenbaitlehen hasi gaitezke.
Doinua: Mutil koxkor bat
Egilea: Joseba Barandiaran
La roja, gorria
Joxe Manuel Arizkorretak Mundialeko txapeldunak hartu ditu gaitzat bere bertsoan. Badakizue nork irabazi duen, ez? Joxe Manulek oso ondo azaldu digu.
Viva la roja! Gorria
Hain talde zoragarria!
hanka buru ta gerria
Harrotu da bai espainaldeko
Zenbait putreen eztarria
Hartuz Kirola, aberria
ta bihurtuz uztarria
ez da batere berria
asetu dute zenbait zaleen
Goraipamen egarria
Baina ez da horren larria
animo euskal herria
inoiz ez galdu irria.
Doinua: Ikusten duzu goizean
Egilea: Joxe Manuel Arizkorreta
Sua
San Joan suaren bueltan egin du bertsoa Julen Agirreburualdek. Su asko aipatu ditu bertan.
Sua piztea eskatu ohi du
San Joan ohitura zaharrak
Egurra bota, paperak eta
denen sentimendu txarrak.
Goruntz begira freskotasunez
ageri dira izarrak
Baina ez dira gaur egunean
distira duten bakarrak.
Batu nahiean herriak eta
su beroaren indarrak
Hizkuntza baten su garrak
eta hiztunen beharrak
Denak lotura izaten badu
ai, zeinen gauza edarrak
Distiratsuak izan nahiean
Euskaldunon irriparrak
Egilea: Julen Agirreburualde
Erreala
Atzoko partidaren ondoren, jokalari gehienek euskaraz egin zioten Anoetako publikoari. Realak orain arte izan dituen garaipen-ospakizunetan sekula ikusi gabea da hori.
Atzo iluntzerako
onartzen dut hala
jokalariez harro
sentitu nintzala
gora begira jarri
zuten Erreala
ta mingainetan gure
hizkuntza apala
astelehen goizetako
prentsak ez bezala
Doinua: batetikan korrozka
Egilea: Asier Iriondo
Pilotariei
Isa Diazek herriko txapelketan parte hartu dutenei egin die bertsoa. Horretarako "Haurrak ikas zazue" doinu ezin egokiagoa erabili du.
HILABETE IGARO
HELDU FINALERA
PILOTARI GUZTIAK
HEMEN BILDU GERA
OSPETSU EGIN DIRA
GAUR GURE LAGUNAK
MILA ZORION BIHOTZEZ
ADIO TXAPELDUNAK
Doinua: haurrak ikas zazue
Klima aldaketari
Ez dugu ezagutuko (agian bai) baina klima aldaketa dela eta herrian ere aldaketa nabarmenak izango dira. Eguraldi askoz epelagoa eta jendearen ohiturak eta eguneroko bizimodua aldatuko da. Hori izan da Joserra Saralegiren gaia
Legazpi tropikala
bero da herria
Bi hilabete barru
da udaberria
Ligatzeko kontutan
jende ugaria
Piszinan biluzik ez
da bate larria
Azoka nudista da
aurten berria.
Doinua: Batetikan Korrozka
Egilea: Joserra Saralegi
Egunkaria libre
Auzipetuak absolbitu dituztela jakin dugun egunean bertan egin die bertsoa Luis Arrietak.
Zai ematen den denbora
izaten ohi da luzena.
Ta zazpi urte ondoren
egi bihurtu da lema,
nahiz ta orduko etsaiek
hartuko duten gaur pena.
Oleaga, Uria, Martxelo,
Torrealdai eta Txema,
geure ametsak betetzen
eman dezue onena.
Zuen delitu bakarra
euskalzale izatearena.
Garaitua injustizia,
guztiontzat atsedena,
zuek sortu baitzenuten
guztion ondare dena.
Doinua: Habanera
Egilea: Luis Arrieta
Aste Santuari
Aste Santua garai batetik hona asko aldatu da. Hori izan da Josebaren bertsoaren gaia.
Aste Santuak seko galdu du
erlijiozko kutsua
eskiatzeko ta hondartzarako
askok dute inpultsua.
Aita Santuak nahiz eta egin
deialdi oso sutsua
elizak ditun pekatuekiko
inor gutxi da itsua.
Doinua: O Baserritxo
Egilea: Joseba Barandiaran
Udaberrian aske
Udaberriari buruzko bertso eder hau loratu zaio Joxe Manuel Arizkorretari. Esaten da, bai, udaberriak poetei inspirazioa ekartzen diela.
Gogoz esanez gau amaieran
kaixo egunsentiari
Mendi aldera abiatu ta
egun ederra zein argi
Aldapan gora xoxo eder bat
niregan jarriz bi begi
Aitortu zidan xuxurla zidan
belarrian bere egi
Maite duela askatasuna
urteroko udaberri.
Doinua: Azken arnasa eman nahi nuke
Egilea: Joxe Manuel Arizkorreta
