Jadanik lau mende dira,

laurehun urte zoragarri.

Askatasunan egarri,

ta lortzearen dizdira.

Joan al zinen jaialdira?

benetan oso polita.

Hainbat jende ikusita,

gure taldeei begira.

Abesbatza ta koroa,

banda eta dantzariak.

orkesta, txistulariak,

extremeñoen giroa,

bertso eskolaren gogoa,

ta beste partaide asko,

benetan eskerrik asko,

izan zen historikoa.

Txapelduna da eta Oinatzek

badu nahikoa meritu

sasoi bikaina, indarra eta

jaguarraren hankak ditu

ezker eskua, a zer eskua

sarritan gaitu harritu

baina badauka zer hobetua

hala zaigu iruditu

esaterako, esku horretan

1) Luistxoren hatzak balitu

2) Joxeren hatzak balitu

3) Haritzen hatzak balitu

Doinua: Misiolari baten moduan

Mila seiehun eta
zortzigarrenean,
Legazpi Seguratik
banatu zenean
Legazpik segurutik
ez zekienean,
ez zela aske izango
beste lau mendean.

doinua: Orioko balearena

esana digu senak.
Kanpora doana pozik;
langilearen penak.
Gazte Asanbladari tori
aupa ta biba denak.
Antolatu du musika,
pailazo ta idi demak.
Harria bota dezala
hala uste (e)z duenak:
San Inazioko jaiak
Legazpiko onenak!

Doinua: Gai honek badu mamia.
Egilea: Nekane Gonzalez

Neurri berriak,
hain nahasiak
dena bezain arraroak.
egoerara,
moldatu gara
sortuaz bertso eroak.
nik ere berdin,
egin ta egin
moldatu ditut bertsoak.
dezimatuak,
ondo neurtuak
gozatzeko modukoak

Doinua: Hara nun diran

Futbolak badu zerbait
ez daukana briskak,
Futbol Zazpian ikus
daitezke pistak
eta zein diren jakin
nahi badu Frantziskak,
adi entzun ditzala
bertso honen ziztak:
ipurdi-irristak
ta izter gorrixkak,
erdiak juergistak
diren futbolistak
ta inportanteena
istilu pixkat.

Doinua: Betroiarena

Noizbait sanjuanak iritsi dira
ta noski gure plazara
eta bertako su inguruan
pozik jostatutzen gara
aiton-amona, haur eta heldu
denak barre ta algara
Udara gertu daukagu eta
ospatuko beharko da ba

Doinua: Aita Jainkoak

Egilea: Ibon Sotil