LBO
KULTURA
Beti bihotzean...
Ekainak 15, ordua 18:45, gure amets prefabrikatuak itzali dira.
Guretzat urtea ez da abenduan amaitu eta urtarrilean hasten. Badakizue Errealzaleon urtea, gu gehienok futbolzale baino Errealzale baitgera, Errealzale sutsu gainera, ekain inguruan amaitzen dela eta irailean hasi. Eta aurtengoa amaitu da, triste amaitu gainera, ez degu urte amaierako festa egiteko gogorik izan eta badakizue zergatik, baina urte berria etorriko da.
Azkenean iritxi da
Zoritxar eguna
Zelaira begiratuz
Ze nolako fauna
Alfer ta aberatsentzat
Gogoko erresuma
Ta Gipuzkoar gehientzat
Tristura ta trauma
Merezi degun maila
Oraindik urruna
Nahiz ta mendeurrena
Degun berehala
Denboraldi berrian
Berriz eginahala
Hau sentimendu bat da
Hau ez da kabala
Denek jakin dezaten
Hau horrela dala
Gora zaleak eta
Gora erreala!!!
Neurria: Hamarreko txikia
Doinua: Espinian behera
Aitor Irastorza
Maiatza iritxi da....
Apirira joan zaigu bere zaparradekin, baina hilabete berri bat daukagu pauso txiki batera, eta aurrean daukaguna berezia da benetan legazpiarrontzat.
Txirrindulari froga
animali_artean
Sua eta garra ere
Egunen batean
Danbor hotsa_izango da
Gure kaleetan
Goñi-ren itzulera
Ur Beltz zikinetan
Santikutzak daudela
Iada gure_aurrean
Doinua: Espainian behera
Aitor Irastorza
ONDO PASA LEGAZPIKO JAIAK!!!!
Euskal Tourra
2008. urtean Euskal Herriko 48. Txirindulari itzulia Legazpin hasi da. Aurtengoarekin laugarren aldia da gure herrira datorrena. Hori horrela izanik Ibonek bertso eder hau idatzi digu.
Euskal Herriko "tour"-a zela ta
ezin gendun egin
kale
Legazpin bertan elkartu ziren
hainbat bizikleta zale
giro ederra,
kirolzalea
Gora-behera, kalez kale
Nahiz eta jaso azken
aldian
berritxarren hainbat ale
behingoagatik irten dadila
ziklismoa
irabazle
Ibon Sotil
Atzo hura eta gaur hau...
2004ko abuztuan auto batek txirringan zihoan 17 urteko gaztea harrapatu eta hil egin zuen. Duela egun gutxi auto hartako gidariak salaketa jarri du hil zuen gaztearen gurasoen kontra kotxean sortu zizkion kalteengatik.
Iriondotar Enaitz umea
kotxe batek zuen hila,
haurra hiltzeko, Audi A8,
gai izan zen berebila.
Ta orain Haron gidari bizkor
hura “justizia” bila:
Enaitzen aita eta amari
eskatuaz diru pila
infernurikan bada txoferra
Joseba Barandiaran
Erreala primeran...
Legazpiarrak ere joaten direla atzerrira. Baina bihotzean daramaten gipuzkoar sentimandu hori galdu gabe eta nola ez beraien betirako amodioa ERREALA. Baina bueltan etxera itzulitakoan zer topatukoa ta...
Zaharrak berri.....
LBO Legazpiko Bertso Olariak bertso eskolak gogor amaitu zuen 2007 urtea. Urte berria ere albiste gogorrekin hasi zaigu, eta zoritxarrez elkarlotuta daude.
Hegoaldetik iritxi zaigu
Albiste hotz ta larria
Animo Kepa altxa burua
Nahiz urrun den aberria
Etxean berriz beste lagunek
Bero ta sutsu eztarria
Bertsoa arma hilgarria
Zabaldu dute berria
Aldarte hori ezin da izan
Herriaren oinarria
Pena sentitzen degu entzutean
Danbor zaharren hots berria (Bis)
Doinua: Ligoi bizitza ez da izaten
Neurria: Neurri luzekoa
Aitor Irastorza
Kaixo berriro Urte Berri....
Bati agur esan, eta besteari ongietorria egin. Halaxe izan ohi da beti. Gaur gauean, mahats-lukua esku batean, eta xanpaina bestean, denok elkarrekin kantatzeko bertsoa duzue hau (saiatu gara behintzat!).
Apurka askatzen doa
zazpiaren lokarria.
Zortziak aseko ote du
premi denen egarria.
Hamabiak iristean,
erne izan belarria.
Dilin-dalan hasiko da
itxaropen zintzarria.
Solomillo ta bixigu,
sabel ertzeko larria.
Jo ta su desafinatuz,
urratzen da eztarria.
Agur urte zahar loriatsu,
agur urte zahar gorria.
Ea denok hasten dugun
hanka onakin berria.
Nekane Gonzalez
(Doinua: Habanera)
Ondo bukatu 2007a eta hobeto hasi 2008a! ZORIONAK!
Kale zaharra, kale zaharra...
Santa Maria kalea betidanik eta Nafarroa kalea gerra ostetik, Legazpiko Kale Zaharra herriaren bihotz eta arima. Gure iragana eta gure etorkizuna...
Mila
argazki zuri beltzean
adi gaudela begira
somatu
ohi dut gehienengoen
begi
ororen dizdira
oroitzapenak berriro
ere
errealitate
balira
kale zarrean egingo
zuten
bertakoek
kalejira
behin bertan jaio ziren
guztiak
lekuko izango
dira
Julen Agirreburualde
Kale zaharrean bizi;
Kale zaharrean hil;
Hiru patu;
Hiru ohore.
LBOren bloga martxan!!!!!
Nerea Elustondo
