Abenduaren azken eguna

urtekoaren berbera:

goizetik jeiki ta urte danan

egin ez dena eitera.

Batzuk Aizkorri, besteek Korosti

nork bere mailan aldera.

Urte osoko propositoa

gaur betetzen hasi gera

Tontorreraino iritsi eta

Codorniu izerdituak,

berriro ere berpizten ditu

gorputza eta buruak.

Topa eginik, zoriontasunez

kutsaturik inguruak

jartzen ditugu urte berrian

egiteko helburuak.

Light bazkalduta, afarirako

nahikoa leku utzita

gure ametsik ederrenekin

daukagu hurrengo zita.

siesta eder bat bota orduko

pilak berriro jarrita,

espuelatxo bat bota beharko

bata besteai segika.

Urdai-azpiko, langostinoak,

angulak ta kabiarra

Dinosaurio bat da “entrantetan”

falta daiteken bakarra...

Alkohola ere neurri berean;

izango ez balitz txarra-

hau bukatzeko beharko degu

aste osoan beharra!

Gau erdirako minutu bat ta

mahatsakin ze endredo!

Kainpai hotseko, mahats bat janez

denborarikan balego

Bi mila eta hamabigarren

urteari agur bero.

esku zabalik eukiko nauzu

berriz itzuli ezkero

Ospitalean ditugu batzuk

horrela esan digute.

Ta beste batzuk gurasoren bat

etxetik urruti dute

Alaitasuna ekarri eta

ilusioaren truke

tristerik dauden umetxoekin

gogoratu nahiko nuke.

Dudarik gabe aldea dago

oparitik oparira

bi mila eta hamaikagarren

urtea dugu begira

bakea eta askatasuna

helduko zaigu herrira

ondo portatu behar dutenak

ondo portatzen badira

Doinua: Pello Joxepe

Olentzerok, 2011-12-24an, udaletxeko balkoian kantatutakoak

LIZARRAN JAIO TA ALGORTAN BIZI
HORTIK DATOR GURE DAMA
AMA IDAZLE ETA IRAKASLE
HORI DA BAI KRISTON LANA
LAURA MINTEGIK BENETAN DAUKA
BERE BIZKARREAN ZAMA
BERE ENERGIA ETA INDARRA
ERRAZ HELDU DA NIGANA.

Doinua: Pello Joxepe

Egilea: Isa Díaz Bravo

Fundamentuzko irtenbide bat
behar du gure herriak,
zulo batera bidali gaitu
botereen egarriak.
Egoera larriak,
eta krisi gorriak;
Aginte nazkagarriak!
Berriro ere itzultzen dira
guk botatako harriak

Doinua: Iparragirre abila dela

Egilea: Julen Agirreburualde

Agor ta urri gabiltzalako

murrizketen ondorio

bi hilabete izendatzeko

hartu ditugu propio

eta borrokak badituenez

bi zenbaki, bi balio

hogeita batek hogeita seiri

segida emango dio

Doinua: Pello Joxepe

Egilea: Asier Iriondo

Igandea da zortzi t’erdiak

Ta ordua esnatzeko

Goizean goizik jeiki gera gu

Gurutzera igotzeko

Lagun batzukin, denok batera

Goiza aprobetxatzeko

Itxaropenen gaude guztiok

Bideari ekiteko

Ibilaldia egin ondoren

Goian gaude dagoeneko

Bokadiloak daude denentzat

Gose pixka bat kentzeko

Baino oraindik bide luzea

Falta zaigu egiteko

Lakiolara heldu nahi degu

Deskantsu on bat hartzeko.

Doinua: Haizea dator iparraldetik

Egilea: Ane Beloki

Egutegiak buelta eman du

erromeria iritsi,

Ardanbideta maite dutenak

badira mila iritzi.

Aurten folk talde iruñearra

Entzungarri bezain bitxi

Giro sanoan igo gaitezen

Ta ahal dela sano jaitsi.

Doinua: Zeru Altuan

Egilea: Joseba Barandiaran

Elastiko itsusi, traketsa

jarrita gerrian bueltan,

Londres aldera joango dira

itxuraz aste honetan.

Nigatik behintzat etorri bitez

esku hutsik berriz bueltan.

Aldarrikapen hutsa bihurtu

dezagun gure hitzetan:

noizko jokatu euskaldun gisa

olinpiar jokoetan (BIS).

Doinua: Aita izena kanta beharrak

Egilea: Nekane Gonzalez