NERE PELUKEROA

Bada pelukero bat,

berdin da izena,

biluzik jarrita ere

jantziena dena.

Guraizez eta hitzez,

artistaik gorena.

Argi ibili zaitezte,

ile nahiz teorema,

di-da hautsiko du ta

edozein eskema.

Oraindik gogoan dut,

Ze oroitzapena!

Aurreneko bisitan

bizitako dena.

Zurrunbiloa ahon,

eskutan hurrena

Txarlatan itxura du.

Ezetz ba, kirtena,

Zirujau gutxienez,

eta ez txarrena

Ile, txanpu, gomina

Musika, poema.

Filosofirako ere

beti hitz zuzena.

Reala bihotzean,

doan arren azkena.

Eta hori gutxi balitz,

aditu, onena:

Berak ezagutzen du

Kennedy hil zuena.

Doinua: batetikan korroxka

Egilea: Luis Arrieta