Dokumentu Akzioak
LBO
Inozenteak gogoratzeko
Inozenteen eguna eta gaur egungo egoera oso presente daude Joxe Manuel Arizkorretaren bertsoan. Aukeratutako doinua ere hunkigarria, benetan. Mikel Laboaren "Martxa baten lehen notak", hain zuzen ere, Maialen Lujanbiok Euskal Herriko txapelketan plazaratu duen doinua.
Inozenteak gogoratzeko
gutxi da egun bakarra
Santu izendatu ez direnak
badira bai barra-barra
Irudi batean ikusi dut
gosez den umen negarra
Emakumeak ere jasaten
gizon koldarren indarra
Gure gazteak ezinbestean
ziegara joan beharra.
Egunkaria auzian hara
injustiziaren adarra
Eta horrela etenik gabe
jarraituz luze da marra
Guzti hoientzat gure animo
ta elkartasun aparra.
Doinua: Martxa baten lehen notak (Eguzkiak urtzen du goia)
Egilea: Joxe Manuel Arizkorreta
Gabonak
giro polita Legazpin
tabernak bete beteta
poteoan gogor ta fin
opariak, ikuskizunak
badagoela zer egin
gabonetako haur parkea
Bilbon deitzen diote PIN
hala ere gogoan izan
denak ez daude gurekin
konprometitu gaitezen
eskubide guztiekin
herritar ugari dago
sufritzen krisiarekin
azken urtea izan dadin
eutsi goiari ta ekin
Habanera