Artxiboa 2009
- Abendua (4)
- Azaroa (4)
- Urria (4)
- Iraila (2)
- Abuztua (1)
- Uztaila (4)
- Ekaina (4)
- Maiatza (3)
- Apirila (2)
- Martxoa (4)
- Otsaila (3)
- Urtarrila (3)
Inozenteak gogoratzeko
Inozenteen eguna eta gaur egungo egoera oso presente daude Joxe Manuel Arizkorretaren bertsoan. Aukeratutako doinua ere hunkigarria, benetan. Mikel Laboaren "Martxa baten lehen notak", hain zuzen ere, Maialen Lujanbiok Euskal Herriko txapelketan plazaratu duen doinua.
Inozenteak gogoratzeko
gutxi da egun bakarra
Santu izendatu ez direnak
badira bai barra-barra
Irudi batean ikusi dut
gosez den umen negarra
Emakumeak ere jasaten
gizon koldarren indarra
Gure gazteak ezinbestean
ziegara joan beharra.
Egunkaria auzian hara
injustiziaren adarra
Eta horrela etenik gabe
jarraituz luze da marra
Guzti hoientzat gure animo
ta elkartasun aparra.
Doinua: Martxa baten lehen notak (Eguzkiak urtzen du goia)
Egilea: Joxe Manuel Arizkorreta
ZUENTZAKO
Anttonek bizi dugun bertso-aparraldiaz egin du bertsoa eta herrira begira ere eskerrak eman ditu bertan.
arrakasta beten
herri guztia gaude
hontaz hitz egiten.
Helburuak lortzeko
jende askon arten.
Konpromezu osoz lanen
gogor diharduten
Axier, Julen, Nerea
ditugu miresten.
Berdin jarrai zazue
Euskerari eusten
Egilea: Antton Garmendia.Doinua: Batetikan korroxka. Eta bai, konturatu gea sei puntu
dituela baina Antton pelotak, Ametsek (hurrengo txapeldunak) agurrean egin zuen
antzera, bosgarren punttun bis-a egin beharrean, beste punttu bat sartu du. (Doinuari egindako oharra bertso eskolako kide jeloskor batena da)
Santa Lutzitan BECen
Legazpiar asko izan zen igandean BECen eta tartean zen Nekane Gonzalez. Hona bere kronika:
Abenduaren hamahirua ere
iritsi da bat-batean.
Ganadu pila Santa Lutzitan
nork eramango eskean.
Ta zortzi zezen BECeko oholtzan
erosle andanan aurrean.
Barne mundua, rol eta ideia
sentiberen uholdean.
Baserritarra makila eskuan
jo ta ke txanpon trukean.
Bertsolarien hitz truke ederrak
perfekzioan atean.
Baserritarrak presaren presaz
txapela utzi du lurrean.
Lujanbiok harro eramango du
lau urtez buru gainean.
Doinua: Haizea dator (zortzi puntukoa).
Egilea: Nekane Gonzalez
Hesia
Julen Agirreburualdek "Aizak hi mutil mainontzi"ren doinuan bidali digu bertsoa. Bertsoarekin batera argazkia ere bai. Bertsoak argazkia edertzen du eta alderantziz.
Hauxe da Julenen argazkia eta bertsoa: 
BECeko zortzikotea
Igandean, BECen kantatuko duen zortzikotea zein izango den jakin genuen. Asier Iriondok horri egin dio bertsoa.
Egaña, Lujanbio,
Maia, Sarriegi,
Iturriaga, Sustrai
Aitor eta Amets
Hor zortzi bertsolari
gorenetan goren
BEC betetzera doaz
dudarik ez izan
bertso onen faltarik
ez dugu izango
Doinua: Batetikan korrozka
Egilea: Asier Iriondo
KUARTELAREN GARAIPENA
Koartelaren okupazioaren 20. urteurrena hartu du Luisek bertso eder hau osatzeko.
Legazpi santun kuartel bat gendun
txapel okerrez betea.
Zapalkuntza ta gorrotoaren
ikono beltz ta tristea.
Hutsik utzita aldegitean
eman ziguten pakea.
Eta gaztedi kementsuenak
sortu zuen albistea
Ez baitzan ohiko inguru honetan
hortzak hala erakustea
Doinua: Aita izena
Egilea: Luis Arrieta
BEC
Abenduaren 13an, BECen, izango da Euskal Herriko bertsolari txapelketaren finala. Hori da Josebaren bertsoaren gaia.
Bertsolarien txapelketara
nahiz beti ez naizen joaten,
bertsolari on asko han dabil
etengabe buru jaten.
Bi mila eta bederatzian
morboa ezin da eten
nahiz Iturriaga kanpoan denik
ez naizen ari esaten
berritutako zortzikote bat
izango omen da BECen.
Doinua: Aita izena
Egilea: Joseba Barandiaran
Alakrana
India aldean dabil Ibon baina sarean ez dago mugarik eta bertsoa bidali digu. Mugak arrantzaleen sareetan daude. Gure inguruko hedabide guztiak ari dira Alakranari buruz. Ibonek ere horren gaineko bertsoa egin digu.
Somaliako uretaraino
korronteak eramana
hogeita hamasei lagun arrantzan,
hori zuten haien lana
baina bakea hautsi egin zen
heldu ziren haiengana,
zergatik nahasmen dana?
zein ote piraten plana? (Bis)
oraingoz ez da argirik piztu
etxeruntza daramana
animalia defentsagabe
bihurtu da alakrana
Doinua: Leiho ertzetik entzun dezaket
Egilea: Ibon Sotil
Falange y Tradición
Nafarroan lau lagun artxilotu ditu Guardia Zibilak, kalteak eta mehatxuak egitea leporatuta. Antza, "Falange y Tradición" taldekoak dira. Horrekin lotutakoa da bertsoa. Denborak aurrera eginagatik, gauza batzuk bere horretan jarraitzen duten seinale.
Nafarroara doan bidea
hartu behar degu di-dau.
Albiste batek seko lur jota
ta harrituta utzi nau.
Mehatxuak egiteagatik
atxilotu dituzte lau.
‘Prantxixko’ aspaldi hil zen baina
falangeak hortxe dirau.
Doinua: Norteko Trena
Egilea: Nekane Gonzalez
Nafarroa Oinez
Julen Agirreburualdek euskararen aldeko festa horri buruz egin du bertsoa. Bukaeran, galdera egiten die legazpiarrei.
Egunkaria hartua dut gaur
hainbat hitz ta hainbat paper
Nafarroako atzoko festa
ageri da hamar bider
Legazpitikan jende ugari
ziur bertara zen ager
festa giroa euskeran alde
degulako oso eder
bainan herrira itzuli eta
bilakatzen gera alper;
halakotara joaten gera, bai
ta Legazpin euskera, Zer?
Doinua: loretxoa bertsotarako moldatuta
Egilea: Juen Agirreburualde
