esana digu senak.
Kanpora doana pozik;
langilearen penak.
Gazte Asanbladari tori
aupa ta biba denak.
Antolatu du musika,
pailazo ta idi demak.
Harria bota dezala
hala uste (e)z duenak:
San Inazioko jaiak
Legazpiko onenak!

Doinua: Gai honek badu mamia.
Egilea: Nekane Gonzalez

Neurri berriak,
hain nahasiak
dena bezain arraroak.
egoerara,
moldatu gara
sortuaz bertso eroak.
nik ere berdin,
egin ta egin
moldatu ditut bertsoak.
dezimatuak,
ondo neurtuak
gozatzeko modukoak

Doinua: Hara nun diran

Futbolak badu zerbait
ez daukana briskak,
Futbol Zazpian ikus
daitezke pistak
eta zein diren jakin
nahi badu Frantziskak,
adi entzun ditzala
bertso honen ziztak:
ipurdi-irristak
ta izter gorrixkak,
erdiak juergistak
diren futbolistak
ta inportanteena
istilu pixkat.

Doinua: Betroiarena

Noizbait sanjuanak iritsi dira
ta noski gure plazara
eta bertako su inguruan
pozik jostatutzen gara
aiton-amona, haur eta heldu
denak barre ta algara
Udara gertu daukagu eta
ospatuko beharko da ba

Doinua: Aita Jainkoak

Egilea: Ibon Sotil

Guretzat urtea ez da abenduan amaitu eta urtarrilean hasten. Badakizue Errealzaleon urtea, gu gehienok futbolzale baino Errealzale baitgera, Errealzale sutsu gainera, ekain inguruan amaitzen dela eta irailean hasi. Eta aurtengoa amaitu da, triste amaitu gainera, ez degu urte amaierako festa egiteko gogorik izan eta badakizue zergatik, baina urte berria etorriko da.

Azkenean iritxi da 

Zoritxar eguna 

Zelaira begiratuz

Ze nolako fauna

Alfer ta aberatsentzat

Gogoko erresuma

Ta Gipuzkoar gehientzat

Tristura ta trauma

Merezi degun maila 

Oraindik urruna

Nahiz ta mendeurrena

Degun berehala 

Denboraldi berrian

Berriz eginahala 

Hau sentimendu bat da

Hau ez da kabala

Denek jakin dezaten

Hau horrela dala

Gora zaleak eta 

Gora erreala!!!

Neurria: Hamarreko txikia

Doinua: Espinian behera

Aitor Irastorza

Nahiz ta aspaldi euria gogoz

ari duen goitik behera.
Asteburuan izango dugu
aterperako aukera.
Elegante jantzi eta hurbil
txosnako barra aldera.
Kanpotik a(d)ina barrutik ere
zintzurra blai bustitzera.
Jaiez gozatzea da helburua
ta denok Hegialdera.

Doinua: Bazkalosteko kafea
Egilea: Nekane Gonzalez

Gaia: Julen ez da oso ondo moldatzen ingelesez. Gaur gurasoek esan diote aurtengo udan Ingalaterrara bidaliko dutela bi hilabetez.

Inglesean nik aurten lehenengoz
aprobatua dut zera
Ta hori_izan da uda honetan
planifikazion kaltera
Ama oin neri etorria zait
berri txar bat esatera
Ingalaterra bialduko zaitut
inglesa ondo ikastera
Eta azkenik Ingalaterran
hitz egingo da euskera

Amarauna, sarea,
edo Interneta.
Zertarako papera
eta inprenta?
Berripaperei heldu
al zaie hileta?
ZingiZango puntu com
hor dabil zer gerta.
Euren azterketa
egin dute eta,
paperaren buelta
nahiz ez duten meta,
postontzietan ere
jarri arreta.

Doinua: Betroiarena