Kale Zaharra da gure arbaso
amandre ta aita bitxi
seme-alabak izateraino
ez gara inoiz iritsi
baina bertako bilobak gara
eta hori ez da gutxi
nahiz igandean bazkaritara
joaten ez ziguten utzi

Lehenik eta behin barkatu hain berandu erantzuteagatik baina onartu beharra daukat gaur arte ez dudala Asierrek kale Zaharraren inguruan antolatutako ospakizunei buruz egindako bertsoaren berririk izan.
Gauzak honela, ezin ukatu bertsoko azken puntuak harridura eta tristura sortu dutela nigan, talde antolatzailearen barnean, beste gauza batzuen artean, bazkarian parte hartu nahi zutenen izenak biltzea suertatu baizait.
Esan beharra daukat, ilusio horrekin niregana hitzez nahiz telefonoz zuzendu diren GUZTI-GUZTIEN izenak jaso nituela, (aurrez jarritako epetik kanpo gerturatu zirenak barne) inongo salbuespen, traba, eragozpen edo baldintzarik jarri gabe.
Hasera haseratik (niri dagokidanez behintzat) nere asmoa Kale Zaharrak beraien bizitzan esanahi berezi bat duen jendea biltzea izan da, beste inongo eskakizunik gabe. Horren erakusgarri, bazkariaren egunean partaideen artean banatu zen oroigarri xumea. Bertan adierazi nahi izan nuenez (berandu, nonbait) Kale Zaharraren edadura norberaren sentimenduak iristen ziren punturaino luzatzen zen. Beraz, malguago ezin.
Ez dakit Asierrek norekin hitzegin zuen, ezta bere egoera edo ustean beste norbait dagoen ere. Hala balitz, barkatu, baina zerbaitetan ahalegindu bagera adierazitako hori betetzen izan da. Agian ez dugu asmatu mezu hau zabaltzeko garaian, baina saiatu saiatu gera.
Sentizen dut Zingizangon izan dudan lehen partaidetza tankera honetakoa izatea. Baina bidezkoa erizten diot gauzak dien bezela kontatu eta bakoitzari berea onartzea.

Besterik gabe, eta bide batez, aukera hau zuen lana txalotzeko aprobetxatuz,
agurtzen zaituzte.

Jose Luis Arrieta.

Aupa Jose Luis,
Lehenengo eta behin zorionak antolakuntzari egin duzuen lanarengatik. Nire bertsoak kritika itxura izango zuen baina bromatan egindako bertsoa zen. Inondik ere ez nuen zuen lana kritikatu nahi. Bertsoa saltsarako eta jolaserako erabiltzen da askotan eta nire asmoa hori zen. Mindu baldin bazaitut barkatu, benetan.

kaixo Asier,

Ezaguna da zure bromarako griña eta nik hala jaso dut. Zaude lasai, beraz. Gertatzen dena zera da, kalean zure umore punttua ez duten bizpairu lagunek zuk bertsoan bromatan adierazitako hori ez hain bromatan esan didatela. Zurrumurruari hazteko aukera eman aurretik eta jendeak okerreko usterik izan ez dezan, badaezpada, gauzak garbi uztea erabaki dut. Besterik gabe.
Amaitzeko eta zalantzarik egon ez dadin, datorren urtean Legazpiko bertsolari amateur eta politizatu (ez poliziatu) guztiak bazkarian parte hartzea gonbidatuak zaudete, Olentzeroren baimenaz noski...