Dokumentu Akzioak
LBO
LBOren bloga martxan!!!!!
Legazpi, burdinan haran
herri, hotz, arrotz, handia,
historian bigarrenez
gertatu da miraria:
burdin totxo bihurtu da
euskarazko hiztegia,
bertso doinuak ingude
eta errimak gabia;
euskaraz une gozoak
ekoiztea guraria...
jada topatu duzunez
gure bertso-ataria,
euskalzale, bertsozale,
edo ta bertsolaria
gurekin batera izan
zaitez Bertso Olaria.
"Habanera doinua"
Nerea Elustondo
Nerea Elustondo
BERTSOA
Abendun 27n, gaztetxen egingo dugun bertso txapelketa dala ta, hemen bertsoa. Seittun informazioa zintzilikatuko dugu gure blogean.
Habanera Doinuan hau ere. Kostata baino zerbait atera da.
Gaztetxe aldean seittun
bada bertso txapelketa
Bospasei lagun elkartu
eta errima ariketa
Abendun 27n
lokala bete beteta
batzuk hor egingo dugu
gure lehen ariketa
itxura ona ematen
saiatuko gara eta
potto egiten badugu
ez egin ez errieta
Josu, Iñurri, Gomez, Azpe
eta Bikendi Arrieta
Nerea eta Asierrek
egingo due beroketa.
Betroiarena doinuan erantzuna.
Bertso Olari bloga
jarria da martxan
oraindikan norbaitek
al du zalantzan?
aurrera joan bedi
denen esperantzan
zozketarekin hasi
dadin dena dantzan
bertsoen norantzan
neronen ardatzan
errima arrantzan
tonto baten antzan
norbaitek ba al daki
hau zertan datzan?
tamainak ez du inporta...
ekin eta ekin
baina habanera bat
nahiz saiatu, ezin
ni ez naiz hain haundia
ta bertsoa berdin
gaur konformatuko naiz
neurri txikiekin