Azken urteotan erromeria antolatu izan du ZingiZangok irailean. Aurten ekimen zabalago bat izango da. Legazpiko hamabost lagunek parte hartzen duten ikus-entzunezkoa prestatzen ari dira. Euskararen inguruan izandako esperientziak kontatzen dira bertan. Horren aurkezpena, erromeria, pilotari eta aktore ezagunen hitzaldiak, bertso saioak eta abar antolatuko dira irailean eta urrian. Hori iragartzeko kartel eta kamisetak aterako ditu ZingiZangok eta horrek guztiak leloa behar du. Erantzun, beraz, albiste honi eta proposatu zure leloa. Astebeteko epea daukazue. Epaimahai batek onena aukeratuko du eta saritxo bat emango diogu irabazleari.