<!-- /* Style Definitions */ p.MsoNormal, li.MsoNormal, div.MsoNormal {mso-style-parent:""; margin:0cm; margin-bottom:.0001pt; mso-pagination:widow-orphan; font-size:12.0pt; font-family:"Times New Roman"; mso-fareast-font-family:"Times New Roman"; mso-ansi-language:ES; mso-fareast-language:ES;} @page Section1 {size:612.0pt 792.0pt; margin:70.85pt 70.85pt 70.85pt 70.85pt; mso-header-margin:35.4pt; mso-footer-margin:35.4pt; mso-paper-source:0;} div.Section1 {page:Section1;} -->

Yo, también

 

 

 

 

 

Zuzendaritza eta gidoia: Alvaro Pastor eta Antonio Naharro. Herrialdea: Espainia. Urtea: 2009. Iraupena: 103 min. Generoa: Drama. Aktoreak: Lola Dueñas (Laura), Pablo Pineda (Daniel), Isabel Garcia Lorca (Maraa Angeles), Pedro Alvarez Ossorio (Bernabé), Antonio Naharro (Santi), María Bravo (Reyes), Consuelo Trujillo (Consuelo), Daniel Parejo (Pedro), Lourdes Naharro (Luisa), Catalina Lladó (Pilar), Susana Monje (Nuria). Produkzioa: Julio Medem, Koldo Zuazua eta Manolo Gomez Cardeña. Musika: Guille Milkyway. Argazkia: Alfonso Postigo. Muntaketa: Nino Martínez Sosa. Zuzendari artistikoa: Ines Aparicio. Jantziak: Fernando García.

 

 

 

 

 

Alvaro Pastor eta Antonio Naharro zuzendarien opera prima asmo onez betetako filma da, beste ezer baino lehen. Filmak Down sindromea duten pertsonen errebindikazioa da eta mahai gainean jartzen ditu sindrome horrekin jaio direnen kontu asko eta asko, zinean kontatzen ohi ez direnak eta, oro har, komunikabideetan entzun edo irakurtzen ez direnak.

 

Leunki eta begirunez, sentsazionalismoan eror daitekeen gai bat nabarmentzen du filmak: Down sindromea duten pertsonen sexualitatea. Eta gai hori Daniel izeneko mutil baten historiaren bidez jorratzen da. Danielek hogeita hamalau urte ditu, Down sindromea du baina oso azkarra da. Ikasketak burutu zituen eta lorpen horri esker funtzionario publikoaren lanpostu bat eskuratu du Sevillako bulego administratibo batean. Bertan, berarekin lan egiten duten emakume “normala”, Laura (Lola Dueñas), ezagutzen du eta maitemindu egiten da. Fikzioko kontakizuna da baina, partzialki, Danielen papera egiten duen aktorearen benetako pasarteetan oinarritu da. Daniel, Down sindromea duen Pablo Pineda unibertsitateko lizentziaduna da. Era berean, filmean bigarren istorio bat kontatzen da, istorio nagusiaren atzealdean agertzen dena eta, horretan, Down sindromea duten hogei urteko bikote baten gorabeherak kontatzen dira; Daniel baino adimen urriagoa izan arren, bi gazteek heldutasun emozional nahikoa erakusten dute elkar maitemintzeko eta, bitartean, helduak bezala tratatuak izan daitezen exijitzeko.

 

Errealizadoreek hori guztia kontatzeko aukeratu duten formatua ia dokumentala den estetikako fikzioa da: lehen planoak, kamera eskuan hartutako enkoadraketak; keinuen eta xehetasunen pilaketan oinarritutako muntaketa, naturaltasuna lortzeko helburuarekin. Zalantzarik gabe, filmaren aukera hoberena Pablo Pineda eta Lola Dueñas aktoreen interpretazio-lana da.