Ostiralean Pilota jaialdiak Urbeltz Pilotalekuan
Pilota eskolako pilotariak Udaberri saria jokatzen ari dira eta ostiral honetan lehian dabiltzan guztiak Legazpin arituko dira bi jaialditan. 18:45etatik aurrera 2. urteko alebinak, infantilak eta kadeteak arituko dira eta 22:00etatik aurrera jubeninak eta nagusiak. Ondoren dituzue jaialdien xehetasunak.
2 pilota jaialdi ostiralean Urbeltzen
Pilota Eskolako federatuak joan den astean hasi ziren Udaberri Saria jokatzen eta ostiralean, apirilaren 26an Legazpin izango dituzte partidak jokalari guztiak. Bi jaialdi antolatu dira, 19:00etan 2. urteko alebinak eta infantilak (binaka) eta 21:45ean Kadete, jubenil eta nagusiak (lau t´erdian). Ondoren aurkituko duzu bi jaialdien informazio zehatza.
Haurren Pilota txapelketako finalerdiak larunbatean
Apirilaren 20an, arratsaldeko 16:00etan hasiko da Haurren Pilota Txapelketako azken txanpa. Maiatzaren 4ko finalak nola jokatuko diren argituko da beraz asteburuan. Helduen herri mailakoak ere aurrera darrai eta asteburuan ere izango dira saioak. Horrez gain Pilota Eskolako pilotariak Udaberri txapelketan hasiko zaizkigu asteburuan (guztiei kanpoan egokitu zaie), alebin eta infantilak binaka eta jubenil eta nagusiak banaka.
Haurren pilota txapelketako final laurdenak.
Joan den larunbatean jokatu ziren giro ederrean eta irakurtzen jarraitzen baduzue bertan aurkituko dituzue emaitzak. Apirilaren 20an izango dira finalerdiak eta datozen egunetan izango duzue horren berri.
Haurren V. Pilota txapelketako final laurdenak
Aste Santuko oporren ondoren, larunbatean, apirilaren 13an jokatuko dira Urbeltz pilotalekuan txapelketa honi dagozkion final laurdenak. Irakurtzen jarraitzen baduzu partiden berri ikusi ahal izango duzu.
Herri mailako pilota txapelketak Urbeltzen
Asteburu honetan amaituko da Legazpiko Gazteak Pilota eskolak martxan dituen bi pilota txapelketen lehen itzulia. Herri mailako binakako txapelketako partidak ostiral gauean eta igande arratsaldean jokatuko dira. Haurren hiru herrien arteko binakakoari dagozkion partidak berriz larunbat arratsaldean jokatuko dira.
Urbeltz pilotariz eta ikuslez beteko da asteburuan
Ostiraletik aurrera berriz ere Pilota izango dugu Urbeltzen, astebeteko etenaldiaren ondoren Pilota Eskolak antolaturiko txapelketen kanporaketa saioak izango baitira bertan. Hala Helduen txapelketako kanporaketa saioak ostiral gauean eta igande arratsaldean jokatuko dira eta haurrenak berriz, larunbatean 16:30etatik aurrera hartuko du pilotalekuan 3. jardunaldia. Azken honetako partidak ondoren dituzue.Martxoak 16 larunbata URBELTZ Pilotalekuan
Legazpiar pilotariak Zumarragan arituko dira larunbatean.
Urbeltz Pilotalekuan Garagardo jaia izango denez, herri mailako pilota txapelketek atsedena dute asteburu honetan. Ez ordea Gipuzkoa mailako txapelketak jokatzen ari diren Legazpiko Gazteak Kirol Elkarteko Pilotariek. Etxean egokitzen zitzaien asteburu honetan, eta etxeko partida horiek Zumarragako Beloki pilotalekuan jokatuko dituzte, arratsaldeko 17:00etatik aurrera. Ondoren doakizue jaialdiaren berri.
Andraitz: saskibaloi eskola
Martxoaren 10ean, igandean, 11:00etan, Bikuña Kiroldegian, saskibaloi eskolaren beste saio bat antolatu du Andraitzek. 2002, 2003 eta 2004an jaiotako neska-mutilei dago zuzenduta. Informazio horrekin batera, asteburuko partiden berri bidali digu. Hona hemen, iragartzen duen kartela:
Pilota Txapelketak Urbeltz Pilotalekuan
Asteburu bete betea izango dugu datorren hau ere. Ostiral arratsaldean federatuen txanda izango da. Gauean herri mailako txapelketako lehen faseko partidak joakatuko dira, igande arratsaldean jarraipena izango dutenak, eta larunbat arratsaldean Haurren binakako txapelketako lehen faseko partidak izango dira. Guztia Pilota Eskolaren eskutik.
Asteburuko pilota partidak Urbeltzen
Asteburu bete betea datorkigu. Ostiralean, otsailaren 22an, Gipuzkoako Txapelketetan dabiltzan Pilota Eskolako pilotarien jaialdia izango dugu 18:45ean hasita. Gauean berriz joan den asteburuan hasi zen Herri Mailako Pilota Txapelketako lehen faseko partidak izango dira. Txapelketa honetako beste saio ba izango da igande arratsaldean. Larunbatean berriz, otsailaren 23an, Haurren Binakako Txapelketa hasiko da.
Pilota partidak Urbeltzen
Ostiralean, otsailaren 15ean, 19:30etan bi pilota partida izango dira Urbeltz Pilotalekuan. Pelota eskolako Nagusiak arituko zaizkigu, 3. mailakoak Allerruren aurka eta 1. mailakoak Usurbilen aurka. Txapelketan dabiltzan gainerako bikoteak kanpoan jokatzen dute: 2. urteko alebinak Bergaran eta 3. mailako jubenilak Eibarren, biak ere ostiralean. Infantilak berriz ez dute partidarik asteburu honetan. Joan den asteko emaitzak ondoren dituzue.
Ostiralean Pilota partidak Urbeltzen
18:30etan hasita otsailaren 8an hiru pilota partida hartuko ditu Urbeltz Pilotalekuak. Infantil mailako Legazpi2 bikotea Eskoriatzaren aurka arituko da, 3. mailako Legazpiar jubenilak berriz Eibar1 bikotearen aurka eta amaitzeko 3. mailako nagusiak Intxurreren aurka arituko dira. Legazpiko Pilota eskolako beste bi bikote kanpoan arituko dira.
Pilota partidak Urbeltzen
Legazpiko Gazteak Kirol Elkarteko pilotariek asteburu honetan jokatuko dituzten partidetatik 4 Urbeltz Pilotalekuan jokatuko dira ostiralean, urtarrilaren 25ean arratsaldeko 18:45etan hasiko den jaialdian: 3. mailako jubenilak, 1. mailako nagusiak, Infantilak eta 2. urteko alebinak arituko dira.
Legazpiko Pilota Eskolako gaztetxoak Urretxuko Gabon kopan
Gabonetan entrenamendu saiorik izan ez badute ere, Urretxuko Gabon kopan aritu zaizkigu Pilota Eskolako gaztetxoak. Urtarrilaren 5ean goizeko 10etatik aurrera jokatuko dira finalak Urretxuko Ederrena pilotalekuan eta infantiletan ez beste final guztietan izango da legazpiko pilota eskolako bikoteren bat. Infantiletan ere izango da legazpiar pilotari bat, nahiz eta Urretxuko Pilota eskolan dabilen.
Pilota Partidak Urbeltz Pilotalekuan
Abenduaren 21ean, 19:30etan hasiko da asteburu honetako pilota jailadia. Bertan Gipuzkoako Txapelketetan lehian ari diren legazpiarrak izango ditugu protagonista. Lehen partidan 2. urteko infantiletan legazpiar pilotaria Ordiziko Txapagain taldeko pilotariaren aurka arituko da eskuz banaka. Ondoren eskuz binakako partida izango da, Nagusien 3. mailako legazpiar bikotea Usurbilgo bikotearen kontra arituko da.
Haurren banakako Pilota txapelketako emaitzak.
Amaitu da aurtengoa, eta larunbat arratsaldean giro bikainean jokatu ziren finalak. Aurtengo txapeldunak: Benjaminetan Julen Ezama; Alebinetan Erik Retolaza eta Infantiletan Mikel Iraeta. Alebinetako A finala izan zen eguneko partidarik onena eta borrokatuena. Ondoren dituzue emaitzak. Urretxuko Gabon Kopa izango dute hurrengo zita legazpiar pilotari gaztetxoek.
Legazpiar pilotariak Gipuzkoako txapelketetan
Gaurko herri mailako txapelketako finalez gain, gaur bertan Pilota Eskolako jubenilak Lazkaon arituko dira 18:30etan eta nagusiak Zegaman 19:00etan. 2. urteko alebina berriz, Arrasaten arituko da igandean 11etan eta 2. urteko infantila berriz Arrasateren kontra arituko da igandean, eguerdiko 12:30ean Urbeltz Pilotalekuan. Jubenil eta nagusiak binaka ari dira eta alebin eta infantilak berriz banaka.
Haurren banakako pilota txapelketako finalak ostiralean
Abenduaren 14an, ostirala, 18:30etan hasiko dira txapelketako finalak. BENJAMINETAN: B finala: Mikel Agirreburualde-Gorka Langarika/Afinala: Julen Ezama-Mikel Aldama ALEBINETAN: B finala: Urko Beloki-Asier Telleria/ A finala: Erik Retolaza-Arkaitz Garmendia INFANTILETAN: B finala: Aimar Telleria-Urko Garmendia/ A finala: Mikel Iraeta-Iker Anduaga Amaieran sari banaketa ekitaldia izango da eta parte hartu duten guztiei oroigarria banatuko zaie.
Pilota partidak Urbeltzen
Gaur bertan 19:30etatik aurrera Gipuzkoako hainbat lehiaketatan jokatzen ari diren legazpiar pilotarien hiru partida izango dira Urbeltz Pilotalekuan. Bihar berriz, 17:00etatik aurrera haurren herri mailako Banakako Txapelketaren kanporaketa faseko bigarren saioa izango da. Hona biharko aurreikusitako partiden berri.
