Legazpin ere ospatu da Emakumeen Eguna
Batzuk egunean bertan, beste batzuk bezperan, ez zeuden legazpiarrak besterik gabe Emakumeen Eguna pasatzen uzteko. Martxoaren 7an 25 emakume bildu ziren aitzaki horrekin Euskal Herria plazan. Kontsejuko balkoian pankarta handia jarri eta, egun handietan tokatzen den bezala, elkarrekin bazkaltzera joan ziren.
Atez ate hondakinak biltzeaz
Hilaren 27an eta 28an Usurbilen gaiari buruz galdetuko diete herritarrei. Emaitza loteslea izango da, gainera. Hernanin eta Oiartzunen ere martxan jarriko dute. Xabier Mikel Errekondo Usurbilgo alkateak eredu honek "Gipuzkoa osorako balio duela" uste du. Zaborrak biltzeko eredu hau Legazpirako nola ikusiko zenuke?
Joseba Barandiarani egindako elkarrizketa ikusgai
Asteazkenean, ETB3ko Kalifornia saioan, Luis Mendizabalek Josebari egindako elkarrizketa osorik ikus daiteke EITBren web orrian. Guk elkarrizketa hona ekarri dugu:
Javier Sotil eta Markel Olano krisi ekonomikoaz
Markel Olanok ostegunean Mondragon Unibertsitatean hitzaldia eman zuen. Alboan izan zuen laguntzaile Javier Sotil, Mondragon Unibertsitateko Presidentea. Sotilek eman zion sarrera hitzaldiari.
Limiteak: heziketan amodiozko askatasuna
Urtarrilaren 27 eta 28an 18:00etatik 20:30era Legazpiko Kultur Etxean doako tailerra izango da. Oripavik antolatu eta Legazpiko Udalak diruz lagundutakoa da. Bertaratze ziurtagiria emango da. Angelica Olvera gai honi buruz arituko da. Giza zientzietan eta kimika ingenieritzen lizentziatua da. Mexiko hiriko Doctor Emilio Cardenas unibertsitateko zuzendaria da, pedagogia sistemikoan eta hezkuntzako konstelazioetan aitzindaria den zentroa. Alemanian, Espainian, Mexikon eta Amerikako Estatu Batuetan ematen ditu tailerrak
Izen berria plaza berrituarentzat
Burdinola elkarteak AGIRREPLAZA izena proposatzen du izen bereko etxea zegoen plaza berrituarentzat. Antzinako etxea Izadi-Zaleak elkartea dagoen lekuan zegoen gutxi gorabehera. Proposamen hori bultzatzeko Agirreplaza deituraren historia egiten du azken Txinpartak alean.
Apostasiaz bilera informatiboa
Azken egunotan Donostiako artzapezpikutzatik zenbait gazte legazpiar pasa direla eta, eliza katolikoari uko egiteko informazioa banatzeko aprobetxatu nahi du Legazpiko Gazte Asanbladak.
Andoni Duran kale hezitzailea Kalifornian
ETB3ko telebista saioa da Kalifornia. Luis Mendizabal kazetariak aurkezten du eta, joan den asteko programan, Andoni Duran legazpiarra elkarrizketatu zuen. Bideoa hona ekarri dugu:
Trikiti doinua eta gaztainak euskararen alde
ZingiZango elkarteko kideok musika eta danbolinarekin ospatu genuen abenduaren 3a. Aurten lehen aldiz, eguraldi bustiari aurre eginez, plaza berriko arkupetan gaztainak erre eta saldu egin genituen, trikiti doinu alaiaz lagunduta. Magiaz bezala, eguraldiak ez baitzuen askorik laguntzen, herritar ugari azaldu zen gure ingurura eta oso giro ona sortu zen. Garbi dago, beraz, datorren urtean ere bide horretatik jarraitu beharko dugula.
"Gari" barriketan azken diskoaren harira
Diasporako legazpiarrak albiste dira, itxuraz, azken aldiotan. Iñaki Garitaonandiari egindako elkarrizketa ere "Bizkaie" agerkarian argitaratu dute oraindik orain, "16 lore" azken diskoaren harira. Ikaragarria da, bestalde, zein ederki ikasi duen Bizkaiko hizkera. Amamak erakutsitako goierriera ahaztu ote zaio?
Herritar ugarik erantzun zion auzo-lanaren deiari
Azaroko azken larunbatean, Egialdeko baserrietako ordezkariak elkartu ziren Biziolara doan bidearen garbiketa egiteko. Urtero kunetak eta urbideak garbitzen dira, neguko euriteetako urak zuzen joateko eta bidearen iraupena luzatzeko. Lan hau auzolanean egiten da eta urtero lanera joaten den jendearen kopurua, gutxitu beharrean gehitzen doa, giro ona dagoenaren seinale!
Familia programa
Familia programaren barruan Legazpiko Kultur Etxean topaketak antolatu dira. Oripavi elkartearen helburua autogestionatutako gurasoen mugimendu bat sortzea da.
Ilintiren logotipo berria
Ilintik bere irudia berrituta datorkigu. Logotipo berria dute eta, horren harira, honako oharra bidali digute:
Eutsi taldearen bideoklipean parte hartzeko deia
Udalaren Gazteria eta Hezkuntza sailetik iritsi zaigu deia. Emakumeenganako indarkeriaren aurkako nazioarteko egunaren harira, Eutsi taldeak bideoklipa grabatuko du larunbatean. Hona hemen iritsi zaigun oharra:
Brinkolan ere Pilarika Eguna ospatu dute
Lehengo garaiak hobeak direla pentsatuta, brinkolarrek aurten Pilarika eguna goitik ospatzea erabaki dute. Ez dira mendi martxa bigarren urtez antolatzearekin konformatu. Aurten, gainera, Patxi Paredesen garai "baketsuetan" bezala, lau "negu madari" gonbidatu dituzte auzora. Esan beharra dago oso harro eta tente etorri badira ere, laster egokitu direla bertako girora.
Galdotseko Makibartarrak
Irailaren bigarren hamabostaldiak Galdotseko jatorriko bi makibartar eraman ditu betirako, elkarren jarraian. Juanito, lehenengo, gazterik; Antselma, ondoren, zahartuta, 105 urterekin. Senitartekoek utzitako hutsunea oso mingarria dela dakigun arren, heriotza horien harira Elbarrenako makibartarren aipamen txiki bat egin nahiko genuke.
Agur Gabino
Isil isilik, zalapartarik gabe, joan zaigu Gabino, Plazaolako rubioa. Garai bateko Legazpiko ikurra ere bai, esan liteke. Baserritar izateaz harro, tente asko ikusiko genuen askotan bere zaldi eta txakur maiteekin, Legazpiko kaleetatik baserriak ia ezkutatu ziren garaietan. Euskaltzalea eta lagun artekoa ere bazen. Baina duela urte batzuk itzaltzen joan zen eta asiloan hil da. Agur, Gabino.
Ezta izenik ere
Azken bolada honetan asko ugaldu dira atzerritarrak Legazpin, Euskal Herriko gainerako bazterretan bezala: txinatarrak, korearrak, argeliarrak, pakistandarrak, peruarrak, kamerundarrak, errumaniarrak... baina ez dugu apenas harremanik eurakin. Gehienetan nongoak diren ez dakigu zehazki, zein herrialdetakoak alegia, eta, are gutxiago, izenik ere ez. Hori da guri iruditzen zaiguna.
Krisisa gora eta krisisa behera
Futbolaren ondoren ez da besterik herritarren ahotan: krisia. Ez da gutxigorako, gure etorkizuna jokoan baitago. Zerk sortu du, zergatik, zer egin dezakegu... Galdera horiei eta beste batzuei Joseba Barandiaran eta Joseba Garmendia erantzuten ahalegintzen dira Otamotz aldizkariaren azken alean. Interesgarria.
Sekulako giroa
Egun ederra eskaini ziguten atzo, zapatua, Gipuzkoako Txolarteetako kideek. Hunkigarria izan zen hainbeste lagun saltoka eta parrezka ikustea, giro sano batean. Umiltasun eta gizatasun lezio ikaragarria erakutsi ziguten. Hurrengoan etorri berriz ere!
