Legazpin euskarak herdoilik ez!
Irail eta urrian egingo den kanpainarako leloa badauka ZingiZangok: "Legazpin euskarak herdoilik ez!". Leloaren egilea Xapoto izan da eta sari eder bat irabaziko du.
Haurren uda ikastaroa
Legazpiko Udalak aurten ere antolatu du umeentzako uda ikastaroa. Helburua da euskararen erabilera umeen aisialdian ere bultzatzea.
Ordenagailuan ere euskaraz
Ez daukagu daturik baina esango genuke euskarazko ordenagailuak dituzten erabiltzaileak oso gutxi direla, baita gure herrian ere. Azkeneko egunotan hori aldatzen lagun dezaketen bi albiste entzun ditugu: Windows Vista eta Office 2007 euskaraz jarri dituela Microsoft-ek eta Firefox 3 berria euskaraz erabiltzeko aukera ere badela. Legazpiarrak ordenagailuan euskara erabiltzera animatu nahi ditugu.
ZingiZangok leloa behar du
Ez hezur-haragizko leloa, hitzezkoa baizik. Irailean eta urrian euskararen aldeko kanpaina zabal bat izango da gure herrian. Kanpaina horrek leloa behar du eta gune hau erabiliko dugu zuen proposamenak irakurri eta aukeratzeko.
Merkealdirako kartelak
Ezkio-Itsaso, Legazpi, Urretxu eta Zumarragako Udalek merkataritzan euskararen erabilera sustatzeko plan bat jarri zuten martxan 2006. urtean, eta jarraipena eman nahi diogu datozen urteetan ere.
Mintzalaguna ekimenean aritu direnak oporretan
2007-2008 ikastaroan mintzalagun ekimenean aritu direnek afari-merienda batekin bukatutzat eman zituzten aurtengo saioak.
Menuak eta kartak euskaraz
Gaztelaniazko menu eta kartetan "merluza a la plancha", "revuelto de ajos frescos y gambas" edo "solomillo al foie con salsa de Oporto" bezalakoak ikusten ohituta gaude. Legazpiko hainbat tabernak eta jatetxek euskaraz ere jartzen dituzte baina ez guztiek. Orain, euskaratzen laguntzeko tresna berri bat daukate Interneten.
ZingiZango paperean
Aste honetan ZingiZango.com web orriko edukiak berripaperean argitaratu eta legazpiarren postontzietara heldu dira. Goierriko Hitzarekin elkarlanean egindako lana izan da.
Legazpiren hizkuntza-politika besteekin konparatuta
Asteartean Legazpiren hizkuntza-politikaren neurketaren berri eman ziguten Kontseilukoek eta hori hobetzeko hitzarmena sinatu zuten Udalarekin. Beste herriekin konparatuta gure egoera zein den jakin nahi duzu? Jarraitu irakurtzen.
Legazpiko hizkuntza-politikaren ebaluazioa
Kontseiluak, Udalarekin hitzarmena sinatuta, Legazpiko hizkuntza-politika neurtu du. Zenbateraino dago euskararen erabilera araututa Legazpin? Zertan gabiltza indartsu eta zertan ahul? Horren guztiaren aurkezpena Legazpiko Kultur Etxean egingo da astearte honetan, ekainaren 3an, 19:00etan. Herri guztia dago gonbidatuta.
Mintzaturismoa: Gipuzkoatik Nafarroan barrena.
Euskaltegiko 2. mailako ikasleek eta mintzalagunek larunbata euskaraz mintzatuz eta turismoa eginez pasatzeko aukera izan zuten.
ZingiZango Topaguneko bazkide
ZingiZango Legazpiko euskara elkartea Topagunean bazkide egin da. Topagunea Euskal Herriko euskara elkarteen federazioa da. Bere sorreran Legazpiko Ene Bada! herri aldizkaria ere bertako kide izan zen.
Gure merkatariak lantalan.com webean
Lana euskalduntzeko EMUN kooperatibak kudeatzen duen lantalan.com web orrian, gure merkatariak euren jarduera euskalduntzeko egiten ari diren ahaleginaren berri argitaratu dute. "Legazpiko merkatariak euskaraz? Pozik gainera!" da artikuluaren izenburua.
Euskarazko kantak Legazpiko jaietan
ZingiZangok eta Subeltzak abian jarritako ekimenak eraginik izan duen jakin nahi izan dugu eta hogei laguni bi galdera egin dizkiegu: 1) ZingiZangok eta Subeltzak tabernariei proposatutako kantak asko, zerbait edo oso gutxi (edo ezer ez) entzun dira? 2) Iaz baino euskarazko musika gehiago, antzera edo gutxiago entzun da jaietan?
Legazpiarrek aukeratu dituzte euskal kantuak
Legazpiko jaietan tabernetan euskal musika entzuteko ekimena jarri zuten abian Subeltzak eta ZingiZangok. Legazpiarrek bozkatu dute eta tabernariei hamalau kanturen proposamena egingo zaie.
Euskal musika: bozkak jasotzeko epea, ostirala
Hasiera batean, igandea jarri zen bozkatzeko azken eguntzat. Hala ere, gorabehera handiak daudela ikusita, eta oraindik denbora badagoela, ostiralera (apirilak 18) atzeratuko da bozkatzeko aukera. Hartu Arte eta Kupelaren artean dago lehenengo postua. Jarraian daukazue sailkapena:
Jaietan euskal musika jartzeko ekimena
Jakingo duzue dagoeneko ZingiZango euskara elkarteak eta Subeltza kolektiboak jaietan tabernetan euskarazko musika entzuteko ekimena jarri dutela martxan.
Jaietan euskal musika jartzeko ekimena
ZingiZango euskara elkarteak eta Subeltza kolektiboak jaietan tabernetan euskarazko musika entzuteko ekimena jarri dute martxan, albiste honen bidez. Kantu zerrenda luze bat osatu dute eta, albisteari erantzunda, bozketa bidez kantuak aukeratu eta gero, tabernariei kantu bozkatuenen proposamena helaraziko zaie.
ZingiZangoren aurkezpena Sustatun
Sustatu.com euskarazko lehenengo bloga da eta ez dago, euskararekin lotura izanda, bertatik pasa ez den albiste interesgarririk. Horren adibide garbia da zingizango.com web orriari buruz argitaratu den albistea.
Ilinti elkarteak hizkuntz irizpideak adostu ditu
Joan den astezkenean Ilinti merkatari elkarteak urteroko batzarra egin zuen eta, besteak beste, hizkuntz irizpideak estatutuetan txertatzea onartu zuen.
