ZingiZango Elkarteak liburu bat argitaratu du
Gure elkarteak liburu bat argitaratu berri du, baina ez Legazpiri buruz, Biarnori buruz baizik. Hango arbasoak dituen Philippe Etxegorriren egitasmo ederra ezagututakoan, erabaki genuen gauzatzen lagundu behar geniola. Lan bikaina da eta oso garbi daukagu merezi izan duela.
Burdinolaren azken Txinpartak aleak eskuragai
Legazpiko Burdinola elkarteak Txinpartak aldizkaria argitaratzen du urtean bitan, eta 25. alea kaleratu berri du. Bada, bai ale hori, eta bai 24. alea eskuragai daude formatu elektronikoan dagoeneko, eta doan.
Dorian Grayren egiazko erretratua
Aitor Arana idazle legazpiarrak "Dorian Grayren egiazko erretratua" argitaratu du Txalaparta argitaletxearekin. Hori dela eta, elkarrizketa egin dio Berriak.
"Lehengo Aztiri", Burdinolaren liburu berria
Datorren igandean, martxoak 6, Burdinola elkartearen liburu berria aurkeztuko da Aztiriko Aztiri Bat elkartean. Historia, hizkuntza eta etnografia gaiak lantzen dira bertan, informazio eta argazki ugariz betetako 285 orrialdeetan zehar.
