Aupa lagunok!!!
 
Beste behin, "ENEKO ARITZAREN LAGUNAK" taldekoak zuengana jotzen dugu grabaketa baterako laguntza eskatzen. Dakizuenez, "ENEKO ARITZA (Orreagako Guda)" laburmetraia amaitu ondoren, XVII. mendean Lapurdin gertaturiko inkisizioan oinarrituriko luzemetrai batean gara murgildurik azken urteetan, eta iada azken grabaketa bakarrik falta zaigu. Azken grabaketa hori eta osteko jaia, garaiON naturArtea elkarteak Ozaetako Otaza auzoan duen etxaldean burutuko da.
 
Hau gauzatzeko ahal diren "estra" gehien behar ditugu, beti bezala proposamena jende arruntari luzatzen diogularik. Grabaketa oso sinplea da, eta jai giroan antolatu nahi dugu.
Beraz, ongi pasa nahi baduzue eta horrelako ekimen batean parte hartu nahi baduzue ezin duzue hutsik egin. Irailaren 19-an izango da. Maskara tailerrak grafiteroak eta abar egongo dira, eta arratsaldeko 16:00-tan grabaketa hasiko da. Hau amaitzean afaldu eta izugarrizko AKELARRE eta JAIA, kontzertu eta sorpresekin!!!
Beraz, ez izan beldurrik etortzeko, deialdia guztiz irekia da, eta ezagutzen ez bakgaituzue ere ez zarete damutuko!!
Gaua bertan pasa nahi duenak esterilla eta zaku bat nahikoa ditu.