Ibilaldia goizeko 8etan abiatu zen Osasun Etxe aurreko plazatxotik. Motxorron Brinkolatik zetorren taldearekin elkartu eta Aztirira abiatu zen tropela. Aztiriko bentan atseden txiki bat hartu eta, denak elkartutakoan, berriz ere gora, Aizpurura. Aizpurun hamarretan heldu ziren mendizaleak eta, zer hobe, ordu horretan, bokadiloak ateratzea baino? Bada, hori, mokadutxo bat egin, argazkia atera eta behera. Aizpee, Korostola... Ze lan bikaina egin duten zeraindarrek bide zaharrak garbitzen... Korostolatik Inurritegira eta, handik, Zerainera. Han berriz ere tropel guztia bildu eta, denak batera, galtzadatik Segurara.

Segurako Zerainportalen Segurako alkatea zegoen legazpiarren zain lore sorta batekin, a ze detallea! Segurako ordezkariak eta legazpiarrak, herriko bandera aurrean zutela, Segurari itzulia eman eta Kontsejura joan ziren. Han argazki bat atera bi herrietako alkateekin eta, ondoren, plazara, segurarrek legazpiarrentzat prestatu zuten luntxa dastatzera.

Egun gogoangarria!!

Oharra: Ibilaldian hainbat argazkilari egon ziren eta horietako batek, Aitor Casadok, erreportaje mundiala eskegi du dagoeneko interneten. Hara hor!

hemen doaz ba gure argazkiak lotura honetan klikkatu Legazpi-Segura