Aste honetan hasten dira pilota eskolak antolatutako txapelketak. Alde batetik, Binakako III. Pilota txapelketa ostiralean hasiko da. Partidak ostiraletan, 18:00etatik 23:00etara, eta larunbatetan, 15:00tatik 19:30tara, jokatuko dira.

Bestalde, larunbat honetan, gaztetxoen txapelketa hasiko da. Txapelketa honetan Urretxu, Zumarraga eta Legazpiko pilota eskolatako 6 eta 16 urte bitarteko gaztetxoek hartuko dute parte. Partida hauek larunbat goizetan (10:30tatik 13:30tara Urbeltzen), larunbat arratsaldetan (16:00tatik 19:00tara Domingo Agirren) eta igande goizetan (10:30tatik 13:30tara Urbeltzen) jokatuko dira. Udaberri Sariari dagokionez, nagusiek larunbatean 20:00etan Urbeltzen jokatuko dute Tartaloetxe (Zegama) taldearen aurka. Bikote jubenilak ez dauka partidurik aste honetan