Dokumentu Akzioak
Otsailaren 27an abiatuko da Martxoan Bertsoa
45 bertsozalek txapelketa egingo dute eta horietako sei legazpiarrak izango dira. Laugarren kanporaketa Legazpiko Arranon egingo da martxoaren 12an, 23:00etan, eta, ia ziurra da, bertan kantatuko duen talde legazpiarrean arituko direla Igor Iñurritegi, Joseba Barandiaran eta Eneko Iriondo.
Horiez gain, Julen Agirreburualde, Asier Iriondo eta Joseba Villarreal ere ariko dira txapelketan. Urretxu-Zumarragako bertso eskola, inguruko herrietakoen laguntzaz, jo eta ke ari da prestaketa-lanetan. Honako hauxe duzue egitaraua:
Otsailak 27, larunbata.Lehenengo kanporaketa Fox tabernan, Urretxun, 23:00etan.
Martxoak 5, ostirala.Bigarren kanporaketa, Motz tabernan, Urretxun, 23:00etan.
Martxoak 6, larunbata.Hirugarren kanporaketa Igartubeiti baserrian, Ezkio-Itsason, 19:00etan.
Martxoak 12, ostirala.Laugarren kanporaketa Arrano tabernan, Legazpin, 23:00etan.
Martxoak 13, larunbata.Bosgarren kanporaketa Aldiri tabernan, Urretxun, 23:00etan.
Martxoak 26, ostirala.Finala Urretxu-Zumarragako Gaztelekuan, Urretxun, 23:00etan.
Martxoak 6, larunbata.Arnasketa eta erlaxazioa lantzeko tailerra, Urretxuko kultur etxean, 11:00etan.
Martxoak 12, ostirala.Zumarragako eta Urretxuko Eskolarteko 23. Bertsopaper Lehiaketako sari banatze ekitaldia, Zelai Arizti aretoan, Zumarraga, 15:00etan.
Martxoak 27, larunbata.Bertso musikatuak, Gaztelekuan, Urretxun, 22:30ean.
Martxoak 28, igandea.'Bizikletaren misterioa' haurrentzako bertso-antzerkia, Labeaga aretoan, Urretxun, 17:00ean.
Apirilak 16, ostirala. Bertso afaria (tokia zehaztu gabe dago), 20:30ean, Julio Soto eta Unai Agirre bertsolariekin.
Honen inguruko informazioa argitaratu genuen lehenago eta Goierriko Hitzan zehatzago azalduta aurkituko duzue.
Animo legazpiarrei eta gainerakoei ere bai.
Aurreko urteetako kanporaketa bat, Aldirin. Tartean da Aitor Irastortza
