Ondo dago gure historia hurbila ezagutzea, izan garena ezagutzeak etorkizuna eraikitzen lagunduko digulako. Eta aitortu beharra dago, ildo horretatik, Patrizio Etxeberriak eragin handia izan duela gure herri honetan eta herria "markatu" duela. Patriziokumeak gara, nahi eta ez. Baina garai hura pasa zen, zorionez. Zorionez, diot, Legazpi herri "feudal" bihurtu zuelako Patriziok, morroien herria, menpekoen herria, zurien herria, harroen herria... eta herriko giroa erabat hondatu zuelako. Horrek bukatu behar du herri berri bat eraiki nahi badugu. Tamalez, gure herriko hainbat zinegotzi ez da horretaz ohartu, ez dira konturatzen denbora aurrera doala... herriak ez duela antzinako "bake" horretara itzuli nahi. Lastima ematen dute.