ZingiZangozale batek Danubioko bere bidaiaren irudiak bidali zizkigun aurreko batean. Gerora ere, jaso ditugu batzuk. Iker Azpeitiak Galiziako bidaiako hiru argazki eta honako mezua bidali digu:

"AROUSA: Arousa ibaian aurkitzen den mejilonera bat. Mejiloiak hazteko tokia. BAIONA: Kostaldeko herri honen ikuspegi bat. FINISTERRA: Ba hoixe".

Aitor Casadok ere Europa erdialdetik argazkiak eta honako mezua bidali digu: "argazki batzuk pasatzen dizkizuet, ZingiZangoko kamixetakin nagoen batzuk hain zuen. 24 egunetan zehar 1700 argazki atera ondoren, 1400eko aukeraketa egin dut!!! Bidalitako argazkiak: Kutna Hora: Pragatik gertu dagoen herrixka bat da, bertan 40000 eskeletu erabili dute ermita bat txukuntzeko. Mauthausen: Ez dago zer gehiago esaterik !!!!"

Izenik eman nahi izan ez duen beste bat hurbilago ibili da. Argazkiak Arabako Heredia herrikoak direla uste dugu.

Albiste honetarako Aitor Casadoren Kutna Horakoa aukeratu dugu. Gainerako argazkiak Argazki Galerian dauzkazue Txokoak argazki-multzoan. Zuenak ere bidali nahi badituzue bertan jarriko ditugu.

Eskerrik asko bidaltzaileei.