Madrilgo kongresurako eta senaturako hauteskundeak direla eta bi telleriartetarrak Gipuzkoatik EAJren eta EAren kongresurako zerrenda-buru izango dira, hurrenez hurren. Politikagintzan esperientziadunak dira biak. Beloki aurreko legegintzaldian ere Madrilgo kongresuko diputatu izan da eta Alzelai, berriz, Gasteizko legebiltzarkidea. Legazpiko EAJko zinegotzi Ane Urkiola ere kongresurako zerrendetan egongo da, Gipuzkoatik hirugarren.