Jadanik, "Ziklogenesiak" Urbeltz pilotalekuan eragindako matxurak konpondu dituzte eta ostegunean hasiko da garagardo festa pilotalekuan. Ostegunean arratsaldeko 18:00etan irekiko dituzte Telleriarteko Txirrindulari Elkartekoek pilotalekuaren ateak. Bertan hamaika garagardo dastatzeko aukera izango dute gerturatzen direnek. Horretaz gain, jateko aukera ere izango da, menuan daude Saltxitxak eta txerri-ukondoa. Honek guztiak igandera arte iraungo du eta irabaziak, maiatzean izaten den Santikutz txirrindulari proba antolatu ahal izateko izango dira. Besterik gabe, gonbidatuta zaudete guztiak.