Umeen bertso eskolak urtero antolatzen ditu Legazpiko Bertso-Olarien bertso eskolak. Helduen bertso eskolak ere eman izan dira baina azken urteotan antolakuntza lanak egin izan ditu, batez ere. Aurten, ordea, bertsoen teknika eta doinuak ikasteko helduen bertso eskola jarriko da abian. Ostiral honetan hasiko da 19:00etan. Julen Agirrenburualde izango da gidaria eta hamar bat lagun elkartuko dira bertan. Izenik eman ez duen inork azaldu nahiko balu ateak zabal-zabalik izango ditu. Bertso eskolaren lokala Itxaropenen dago Apatxo baserriaren parean eta Sorgintxuloren aldamenean.