Jakina da gazte asanblada ez dela inoiz familia ugaria izan. Hala ere, bere martxa eraman du urte askotan zehar gorabehera askorekin izan bada ere. Azken urteotan ez da erreleborik egon eta gaur egun LGAren inguruan dabilen lagun taldeak, honezkero, badaramatza makina bat urte. Hori dela eta, ez da harritzekoa nekea, ideia falta eta bestelako sintomak azaltzea. Horri beste behin buelta emateko intentzioarekin, bilera bat antolatu dugu azaroaren 25erako gaztetxean, arratsaldeko 7etan. Bilera honetara Legazpiko gazteak deitu nahi ditugu, lanerako edota Legazpi aztoratzeko gogoz dauden gazteak eta gazte asanbladari indar berrituekin bultzada emateko intentzioa dutenak.