Europako musika egunean parte hartzeko gonbidapena
Datorren ekainaren 21ean Doinua Musika Eskolako ikasleek ospatuko duten Europako Musika egunean parte hartzeko deia egin diete herritarrei.
Beste zenbait ekintzen artean kontzertu bat antolatu dute 18:30etan Euskal Herria plazan. Kontzertu horretan Betagarri taldearen Euri tanta bakoitzean abestiaren koreografia egin nahi dute.
Koreografian parte hartzeko prest daudenek, nahikoa dute ekainaren 9an 17:00etan Doinua Musika Eskolan eta ekainaren 16an 17:00etan Latxartegi aretoan egingo diren entseguetara joatea.