Ibiladi honetan Korostiagaren hegal bat erakutsi nahi zen, Buskabasotik Zatuira doana hain zuzen, eta honako leku hauetan geratu eta azalpenak eman ziren:

* Muruazpikoa baserria. Laxaroneatik Goenagara zihoan elizbideaz hitz egin zen.

*Muruko iturria. Garai bateko auzo-iturria, metal-ura eta ur beltza ematen dituena.

*Buskabaso. Patrixiok bere txaletetarako egin zituen zundaketak, ura topatzeko. Buskabasoko bi iturriak horrela sortu ziren. Arkazi zuhaitzairen inbasioa. Garai batean Bengoleako olabasoa izandakoa.

*Otaerre. Goenaga baserritik basorako bide zaharrak. Ur muga.

*Iradizabaleta. Uztargilleneko baserriko egileorra eta eskorta.

*Errekabitarte. Gaztaina txarak zer diren. Antzinako Bikuña burdinolaren olabasoa.

*Urkidikorta. Antzinako korta, basoaren erdian zeuden larre biribilak, erabilpen pribaturako.

*Elizbaso. Elizaren basoa. Legazpiko eliza egiteko zurajea hemengo zuhaitzekin egin zen.

*Muñazurraga. Antzinako korta. Gaur egun "alta"-ko kableak pasatzen dira bertatik.

*Zatui baserria. Korta batean eraikia. Antzina Legazpiko udalarena. Baserri zaharra.

*Basterola. Iturria, mintegia.

*Kortatxipi. San Migel auzoko baserrien larre-lekua. Antzina hiru egileor edo txabola.

*Mantxolazar. Gaztelu baten kokalekua ote?

*Madresakon. 1772. urtean buztinezko hodiak jarri ziren bertatik "Korreos" etxearen azpian zegoen iturrira ura eramateko.

*Uztano iturria. Orain desagertua. Bikuñatik Zatuira zihoan herri-bidea.

*Bikuñaaundi. Tabloiak egiteko antzinako zuloa.