Iaz, besteak beste,  hauxe argitaratu genuen gure web orrian:

http://www.zingizango.com/albisteak/aseguruak-euskaraz-1/

Hona hemen Kontseiluaren oharra kanpainaren inguruan:

Kaixo adiskidea

Gogoan izango duzu 2009an parte hartu duzula Kontseiluak antolatu duen ‘Euskaraz seguruago’ kanpainan. Badira sei hilabete hortaz, eta denbora honetan lanean jarraitu dugu instituzioekin eta aseguru-etxeekin harremanetan jarriz.  Hemen klikatuz ikus ditzakezu eman ditugun urratsak, eta balantze-txostena ere eskura dezakezu hemen.

Zure partehartzea eskertu nahi dugu, horri esker, honakoak egin baititugu

·        Euskal Herriko instituzio gorenekin batzartu gara eta, kanpainaren emaitzen datuak helarazteaz bat, bezeroen eskubideak bermatzeko urratsak ematea eskatu diegu.

·        Gainera, aseguru-etxeei helarazi diegu beren zerbitzua euskaraz ere jasotzeko bezerook dugun nahia, eta gogorarazi diegu zerbitzuak euskaraz jasotzeko eskubidea badugula. Zorionez, urratsak emateko konpromisoa erakutsi dute hainbat aseguru-etxek. Azpiko tauletan daukazue euskarazko zerbitzua eskaintzen ote duten galdetuta konpainiek emandako datuen zerrenda.

Pozik gaude izandako eraginarekin eta horrelako ekimenak laguntzen jarraitzeko deia luzatzen dizugu, bai baita zer egina oraindik. Guztion konpromisoak lagunduko du euskararen normalizazioa bizkorrago lortzen.

Esan bezala, eskerrik asko zure ahalegina egiteagatik.