Iaz ere "Bertso berriyak Legazpiri jarriyak" bertso musikatuen emankizuna eskaini zuten eta aurten, berriz, "eta 400 urte hauetan Segura izan bagina, zer?" izango da gaia. Seguratik bereizi gineneko 400. urteurrenaren ekitaldietan sartuta dago. Bertso eskolako ume eta helduek hartuko dute parte. Egun hauetan entseguetan dabiltza jo eta ke. Belarri eta ahotsak ez dituzte punta-puntakoak baina Xabier Barriola eta Beñat Aierbe bezalako bi musikari bikain gidari hartuta oso itxura oneko ekitaldia egingo omen dute. Emankizuna maiatzaren 4an Euskal Herria plazan izango da 20:00etan. Euria egingo balu, berriz, azokako arkupeetan.