Kontseiluak, Hizkuntz Eskubideen Behatokiak eta Ziurtagiriaren Elkarteak antolatu eta zuen laguntzaz garatu dugun Euskaraz seguruago kanpainaren lehen fasea amaitu da. Emaitza nabarmenak izan ditu:

·        624 aseguru euskaratzeko eskariak egin zaizkie,

·        74 aseguru-etxe eta artekariri.

·        429 eragile eta norbanakok parte hartu duzue eskari zabalean. Info (+)

Orain, Kontseilua harremanetan jarriko da aseguru-etxe horiekin guztiekin beren zerbitzuak euskaraz (ere) eskaini ditzaten eskatzeko.

Azkenik, mezu hau baliatu nahi dugu gogorarazteko oraindik aukera baduzuela parte hartzen jarraitzeko

·        eskaria zuzenean bidali ez badiozue zuen aseguru-etxeari, hemen klikatu, eskari orria jaitsi, bete eta bidaliz

·        jadanik bidali baduzue, lagunen bati kanpaina azaldu eta eskaria egitera gonbidatuz.

Eskerrik asko zure parte hartzeagatik. Ziur gaude guztion artean ekinez lortuko dugula euskaraz normaltasunez bizitzea. Ongi izan!